Channel Lazy

禽晚好搞笑.喺lobby外邊諗住睇到部車嚟先行埋去. 但啲車頭燈太撐眼,我好用力睇,但過咗好多部都冇一部睇得到個車牌.so放棄,都係行埋去先啦.跟住先發現畀車燈撐得太耐我睇唔到嘢...死啦,要等一陣對眼先恢復到嘎嘛,噉我就下意識眨眼跟住fing下個頭,想儘快睇得到嘢(傻嘅!噉fing法就睇到喇咩?).

部部車停喺lobby門口,唔係有人落就有人上喇,而且又冇人圍.未到!我就繼續眨眼fing頭.我一直企定定冇喐.
後來覺得好似有團物體向我移動,就嚟撞啦,我先望下,我好用力噉睇,想睇清楚,直到物體離我<1m,我先睇到物體中心係王心淩,兩邊有兩三個人～冇陣仗,好似兩三個住酒店嘅朋友食完飯返嚟噉.太唔起眼.

由于我專心眨眼fing頭以及事出太突然,我反應過嚟我最好讓路畀佢嗰陣,佢已經兜過我好耐,可能入咗lobby,我唔sure,因爲我冇ling轉頭睇佢,我依然致力於我嘅視力恢復工程.真係汗,硬係呢啲人成日行埋嚟我度嘅?

其實當發現嗰個係王心淩嗰陣,我第一個反應係驚,我哋距離好近,近到平時有陌生人同我係呢鍾距離嘅話,我早就彈開.我驚佢旁邊啲人以為我想做咩而推開我之類,我睇唔到嘢應該會pk.但佢哋後來真係就撞到我先兜過我(可能原本諗住我應該會讓開)完全冇防避心.好奇怪.佢哋唔驚嘅咩?

上次又係噉,我等緊車,鬼咁趕時間,有部車停喺我前邊.因爲係過道所以部車離我好近,伸手就可以開車門.我冇為意.跟住有幾個人包圍我,同車裡邊嘅人打招呼,當時我覺得乜啲人噉都有嘎,打招呼都唔駛左右包抄我嘎.當我重未搞清情況嘅時候,聽到隔囄有人話:“飛輪海啊~”我望下車,Oh my lady gaga!汪大東同炎亞倫!而且係正對我!

哇!乜搞啲噉嘅嘢啊!即時彈開!(冇誇張到,真係”彈”,唔係”行”)畀人見到我邊度都唔駛去喇!乜搵啲噉嘅嘢嚟搞?!
我彈開兩三米,繼續等我部車,點知佢哋部車重唔走~我望下,唔超過5個fans囉.唔係啩!!!如果係某人,少都有20個啦.
後來喺lobby又係企定定,點知林依晨同個女助手落嚟,停喺我哋面前.冇其他工作人員.連個男嘅都唔駛帶?企咗一陣,有人見佢咁尷尬就同佢傾咗兩句.跟住佢又企咗好耐都唔喐. 某人就絕對冇啲噉嘅筍嘢,豬頭一定跟到實,而且唔會畀佢停低.

 
總結以上奇怪經歴.點解我會覺得佢奇怪呢?

因爲我只見識過某人嘅,所以以為所有藝人都係噉.我忽略咗”魅力”呢樣嘢.有外國人專程飛嚟參加活動係少數藝人先有嘅魅力.噉我究竟係好彩定唔好彩?