Channel Lazy

正話沖凉聽到電視唱緊《只有情永在》，舊歌真係有舊歌嘅好聽～

洗完頭出來聽到下首歌前奏：“咁熟嘅？首咩歌啊？”

“古巨基啊～”

“哦～～～”跟住我就一路唱一路走去厨房丟垃圾～

返到房我問媽咪：“咩節目嚟嘎？”

“好搞笑～阮兆祥同王祖藍扮女人好鬼似. 又扮阿陳振聰，叫陳棍聰......”

講到好似好好睇，我就趁賣告白去吹頭先。

吹吹下，聽到節目開始，播Nobody前奏，

我就已經開始笑到卡卡聲～

諗住拿拿林攞埋樽黃油過去一路睇一路查，點知鷄手鴨腳倒瀉支爽膚水～

噗～～搞到成凳都係|||

不過都冇停過笑～

跟住走過去睇，聽到佢哋改到Nobody鬼咁搞笑，個人覺得精華係：Nobody Nobody  笨蕉～

佢哋竟然叫“Under Girls”～～

之後仲有犀利哥，住喺彌敦道同軒尼詩道交界~hahahaahaaa~乜彌敦道同軒尼詩道有交界咩？

阿凡賊...

好似有扮Lady Gaga，叫Lady Tiger～好抵s～聽日上網睇返先得。

就話我幾耐冇睇電視呢？對上一次睇電視係《絕代商嬌》，下個星期我都會追～

太耐冇節目可以吸引我坐係電視機前睇喇！