睇返上一篇日誌,竟然係舊年11月29日,好快...又過咗一年...

生活依舊覺得好迷惘...

算喇,唔講衰嘢,講下「喊」.

呢排成日喊.由上個月嗰件scandle開始,連續幾日,睇睇下就忍唔住喊,

我第一次谷氣到好想自己「出口成髒」,bilibala一條氣媽人媽到條氣順返,嗰種感覺真係好唔「鋸」!

前幾日睇新聞,見到Rainie話諗起瑋倫,我都喊得餐!

禽晚重加慘,睇「下站」喊足一粒鐘不特止,重搞到塊面鬼咁痛,因爲啲眼淚好la2啊~

原本諗住「海派」壓軸係諗住緩和返啲情緒,咪我點瞓啊?點知--結果都係要喊一輪...正一大喊十!!

如果要排名,我真係揀唔到啊,

因爲我好鍾意寶茱姐嘅性格啊,而且好想睇薛海.雖然我覺得佢個look太羅祥外加啲啲la2~~太pinky喇.

但「下站」灑狗血得嚟又有啲啲新,得我啊!哈哈!!

「幸福」我都有追嘎,不過呢齣我個人感覺到現時嘅劇情都比較寫實.如果男煮腳要美人唔要江山我就想車電腦!!

e+得「桃花」係唔駛我喊嘅啫.而且得啖笑.好笑嘅係呢啲嘢現實生活唔太可能有,好漫畫,好搞~~

不過呢兩套劇要排名嘅話我識啊,「桃花」-->「幸福」.

唔知點解我e+睇戲好鍾意將某部分代入之前嘅劇度,

覺得呢部分就係xxx模式,雖然人哋編劇未必係噉嘅意圖,但我都會覺得佢係抄囉.

比如「幸福」嘅英傑->怡華,素馨->關欣,碧兒->翠鳳,趙律師->徐大明,

其實佢哋之間嘅關係有啲似,不過人物性格唔同.

怡華冇咩企圖心,不過如果佢唔埋堆,就會一直被打壓,始終係會唔甘心,鬱鬱不得志~

關欣比素馨聰明好多,佢比任何人都睇得清楚呢個局面(喺邱慶成嘅提醒下),佢唔願意逃避,當睇唔到,

但素馨就太天真,一味諗住有對方就夠,但覺得足够嘅係佢一個,佢都唔企喺英傑嘅立場諗,

如果一個人努力咗咁多年,付出咁多心血,到頭嚟人哋一手搶走曬你啲嘢,重要奚落你!你會甘心????

你讀咗四年大學,連畢業答辯都pass埋,學校同你講,sorry,你冇畢業證書囉喎.你忿咩???

所以佢畀人飛起都重矇剩剩,問係咪自己做得唔好.預告重講佢傻埋tim,真係冇陰功...

做人唔硬正啲都s啊.因爲現實太殘酷,我哋只能令自己變得越嚟越tough嚟保護自己.

碧兒就同翠鳳一樣,唔知話佢傻定話佢勇敢.

明知對方鍾意嘅係另一個,重要係好愛好愛嗰隻,都s唔放手.

不過碧兒比翠鳳好得多.欣賞佢敢愛敢恨,雖然有專登講啲令情敵誤會嘅說話,

但比起翠鳳當住關欣面錫怡華呢種賤精做法高班太多~

趙律師,又一個徐大明,沉著冷靜,耐心等待時機,

timing一到,出手快、狠、準!!!對手想自保都難,莫講話還擊啊~

「下站」一開始睇預告嘅時候就興趣缺缺,覺得佢抄「流星花園」.

不過因爲Vanness,亦因爲老細都噉捧場睇第一集首播,

重要打畀Vanness讚佢一輪,噉點都要捧下場嘅.

後來睇落發覺我誤會咗「下站」,只係開頭貌似啫,越嚟越鍾意啊.

至於「海派」,我覺得達浪同寶茱姐嘅關係有啲似「戰神」零同綺羅噉.同病相憐,大家都有對方嘅嗰種痛.

我好鍾意寶茱姐啊,飛寶馬好型!!哈哈~~~

「桃花」最搞笑,令我諗起「短腿妹」.好羡慕桃花有四個咁嘅阿哥啊,好幸福~~~

聽聞禽晚開始有套「我在1949等你」,好似都幾吸引喎,今晚返去睇下先.睇嚟又有新劇煲喇.

arrow
arrow
    全站熱搜

    creamycandy73 發表在 痞客邦 留言(0) 人氣()